\

\\

...

Si Ceith Zaragosa at ang mga kaibigan niya ay pumunta ng Mt. Makiling para mag-camping. May isang ermitanyo na nagbigay sa kanya ng isang kuwintas bilang pasasalamat sa pagsagip sa kanya mula sa pagkakalunod sa ilog. Isinuot ni Ceith ang kuwintas at siya ay nagteleport sa ibang dimension.

Ang lugar na napuntahan niya ay napakaganda. Sariwa ang hangin. Matataas ang mga puno sa kapaligiran. Malinis ang tubig sa ilog. Sa mandaling salita, napunta siya sa isang masukal na gubat na parang isang paraiso. Akala niya walang ibang tao o nilalang na nakatira dito. Pero, nakita niya ang isang dalagita na tumatakbo na parang may hinahabol. Hahabulin niya sana ito.

Pero, natigilan siya nang may mga nilalang na tinutukan siya ng mga sibat. Sila ay mga taga tribo. Siya ay ginapos at dinala sa kanilang tribo para iharap sa kanilang pinuno.

Nang nakarating na sila sa kanilang tribo, iniharap na siya sa kanilang matandang pinuno, "Mahal na Pinuno, nakabihag kami ng isang espiya na gumagala sa kagubatan."

Nagulat si Ceith na pinagbintangan siya bilang isang espiya. Dahil isa siyang inosenteng tao, nagrason siya sa kanilang pinuno, "Hindi totoo yan."

Sinuway naman siya nito, "Tumigil ka, Dayuhan. Nandito ka sa aking teritoryo. At bilang isang pinuno, ikukunsulta ko muna sa mga nakakatanda ang pasya ng paghatol sa iyo. Mukha ka naman hindi kabilang sa kalaban naming tribo. Parang isa ka lamang dayo."

Dumating ang dalagita na nakita ni Ceith sa kagubatan. Binati niya ang kanyang ama, "Ama, nakahuli ako ng baboy ramo!"

\

\\

...

-END-