3 mahine baad....
Aaj exams ka akhiri din hai. main subha uthke nashta krne ke baad college pahunchi. roz raat bhar padhne ki wajah se sir bahut dukh rha tha. us wajah se college pahunchne mein bhi late ho gaya tha. professor ne meri halat dekh kar mujhe exam mein allow kar diya, late hone ke bawajud. sir dard ke karan mujhse likha nahi ja raha tha. lekin kaise taise karke maine apna paper likha. paper professor ko dekar main bahar chali aai.
Mujhe Sara ke liye rukna tha lekin sir dard ke karan maine ghar jaane ka irada krliya.
( actually main itni padhaku hu nahi, lekin ye sab main sirf Sid ke liye kar rahi hu. jab mujhe pata chala ke Sid delhi ja chuka hai toh maine bhi delhi jaane ka irada kiya. uske uncle se address maine ab tk lekar rakha hua h, but jab maine uska no. manga toh unhone kaha ke unke paas no. nahi hai. main aise achanak se delhi nahi ja skti thi, mujhe mere parents se ijazat leni hogi. is liye maine bahane se unse pucha
"Daddy, meri ek friend hai delhi mein aur mujhe kabse bula rahi. aur mujhe bhi delhi ghumna hai"
lekin unhone kaha ke mujhe tabhi jaane denge jab mera performance exams mein achha hoga.)