Sara ki us baat par mujhe hairat toh hui hi sath hi mein ulte sidhe khayal aane lage ' kahi wo mujhe like toh nahi karta? aur mere liye uske fil mein kuch hai toh nahi?' lekin maine apne in khyalat ko side mein rakh diya.
Kuch der mein Sidharth nashta lekar aagya. usne nashte ki thaili mere hath mein pakdai aur muskurate hue kaha "kya main nashta lagane mein kuch madad kardu?", maine kaha "arey nahi, jane do tum nashta lekar aagye wahi kaafi madad kardi tumne, tum jakar baitho sabke sath main nashta nikal kar lati hu, aur nashta lane ke liye shukriya"
Main nashta lekar aai aur table par rakh diya.mera ghar chota hai jisme ek chota sa sofa hai aur do kursiya. Sara aur uski dost dono ek ek kursiyoun par baithe hue the aur sofe par Sidharth baitha hua tha. mere baithne ke liye jagah nahi thi aur Sidharth ke bagal mein main baithungi nahi, is liye main wahi Sara ki kursi ke paas khadi ho gayi. Sara ne kaha "Tara khadi kyun ho baitho tum bhi, aur lo tum bhi khao"
"Nahi tum log khao maine abhi nashta kiya tha"
"To kam se kam baith toh jao sofe par"