Nakatitig lang si Qiao Anhao sa screen ng kanyang phone at paulit ulit niyang
binabasa ang pangalan ni Lu Jinnian bago niya maintindihan ang sinasabi ng
article.
Bakit naman bibilhin ni Lu Jinnian ang Xu Enterprise?
Kailan pa ba nito plinano na itakeover ang kumpanya?
Bakit ngayon niya lang nalaman ang tungkol dito?
Sobrang gulo ng isipan ni Qiao Anhao. Hindi siya gumagalaw sakanyang
kinatatayuan niya hanggang sa lapitan na siya ng taong nasa likod niya para
paalalahanan, "Excuse me, ikaw na ang magbabayan." Medyo nahimasmasan
siya pero nanatili pa rin siya sakanyang kinatatayuan.
Medyo naiirita na ang kahera kay Qiao Anhao kaya naiinis itong kumatok sa
lamesa. "Miss? Bilisan mo naman."
Ibinigay sa kahera ang necktie na bibililhin niya at habang nakatayo, may bigla
siyang naalala. Kinuha niya ang kanyang phone at nagdial ng isang number,
pero nang hindi niya ito makontak, dali-dali niyang tinawagan ang assistant ni
Lu Jinnian.
"Miss Qiao."
Nang marinig niya ang magalang na boses ng assistant, ipinikit niya ang
kanyang mga mata sa para kalmahin ang kanyang sarili bago siya magtanong,
"Nasaan si Lu Jinnian?"
"Si Mr. Lu ay nasa kanyang office…" Bago pa matapos ang assistant sa
pagsasalita, biglang pinutol ni Qiao Anhao ang tawag. Hindi niya pinansin ang
kaherang nasa harapan niya at nagmamadali siyang tumakbo papunta sa
hagdanan.
Tumakbo siya hanggang sa makalabas siya sa mall at noong nasa kalsada na
siya, dali-dali siyang sumakay sa taxi na iba ang pumara. Ilang beses siyang
humingi ng tawad sa taong naabala niya bago niya sabihin sa driver ang
address kung saan siya pupunta, "Huan Ying Entertainment, salamat."
Magkaibigan na sila ni Xu Jiamu mula pagkabata. Kung hindi dahil dito, hindi
siya mabibigyan ng pagkakataon na makasama si Lu Jinnian. At kung hindi rin
dahil dito,l hindi magiging madali ang pagkawala niya sa buhay may
asawa…Para niya ng kapatid si Xu Jiamu, na walang ibang ginawa kundi
protektahan siya, pero si Lu Jinnian ang lalaking pinakamamahal niya sa loob
ng labintatlong taon.
Iisang dugo ang dumadaloy sa dalawa at gusto niyang maging parehong
masaya ang mga ito. Ayaw niyang magkaroon ng hidwaan ang magkapatid kaya
gusto niyang iklaro kay Lu Jinnian kung ano ba talagang motibo nito.
-
Pagkatapos lumabas ng balita, sunod sunod na ang tumatawag kay Lu Jinnian.
Sa tuwing magriring ang kanyang phone, sisilipin niya lang ito ngunit hindi
sasagutin. Nanatili siyang kalmado at kampante habang hinihintay ang isang
partikular na tawag.
Kumapara sa inaasahan, medyo napaaga ang tawag mula sa hinihintay niyang
tao. Nang makita niya ang pangalang "Han Ruchu" sakanyang screen, bigla
siyang napangisi. Tinitigan niya lang ang kanyang screen at dahan-dahang
ibinaba ang dokumentong hawak niya para sagutin ang tawag. Nanatili siyang
tahimik habang naglalakad papunta sa bintana, maging ang kanyang mga mata
ay wala ring bakas ng anumang emosyon.
Makalipas ang matagal na pananahimik, si Han Ruchu, na kilala bilang eksperto
sa pagdadala ng mga problema ay biglang bumigay, "Bakit mo ginawa 'yun?
Ikaw…"