Pagreretiro.
Sa pagsapit ng panahon na kakatapos pa lamang ang isang season, sa panahong namamahinga ang lahat ay palaging lumilitaw ang paksang ito.
Inanunsyo ni Lin Jingyan ang kaniyang pagreretiro matapos matanggal ang Tyranny sa playoffs; si Ye Xiu naman ay tahimik na nilisan ang Alliance matapos niyang makuha ang Kampeonato.
Ang ilang mga nakakatandang manlalaro ay pinili na ring magpaalam. Pero dahil hindi sila kasing-sikat nina Lin Jingyan, at Ye Xiu. Naging parang ordinaryo lamang ang kanilang pamamaalam.
Isa na doon si Wei Chen. Pero wala namang nakakaiyak, o nakakalungkot sa kaniyang paglisan. Sa totoo lang ay parang bumisita lang siya para bilangin ang limang milyong nakuha niya bilang gantimpala bago siya umalis.
Hindi siya nagpaalam sa Happy. Pero nagpunta siya sa departamento ng Happy na nakalaan para sa kanilang Guild sa loob ng laro para gumawa ng gulo.
