"Hangad mong pasukin ang Tyrannical Ambition?" Sa buong araw ay nakaharap lamang si Chen Guo sa kompyuter. Dahil kalahati ng kaniyang atensyon ay nakatuon kay Ye Xiu at sa ginagawa niya, hindi naging problema para kay Chen Guo ang malaman kung ano ang gagawin ni Ye Xiu.
"Oo, 'yan nga ang plano ko." Tumango naman si Ye Xiu. Nasanay na siya sa mga paminsan-minsang tanong ni Chen Guo at ang panonood ni Chen Guo sa ginagawa niya.
"Parang naaawa yata ako sa Tyrannical Ambition." Sabi ni Chen Guo.
"Hahaha, dapat lang," Napatawa si Ye Xiu. Matapos mabasa ang ulat na ibinigay ni Loulan Slash ay kaagad niyang hinanap ang mga nakalistang guild.
Hindi maaring mapasok ni Ye Xiu ang mga guild na alam ng lahat na sinusuportahan ng Tyrannical Ambition. Ito'y dahil sa paniguradong magiging masyadong marami rin ang mga manlalarong gustong pumasok sa guild na 'yun!
