Ang gumamit ng patagong atake kasabay ang Underground Tunneling Technique ay isang pamamaraan na kadalasang ginagamit ni Mo Fan sa labanan. Sa paghahanda ng Blue Rain kaharap ang Happy ay hindi sa hindi nila papansinin si Mo Fan dahil sa siya ay isang baguhang manlalaro lamang.
Pati na nga si Luo Ji ay siniyasat nila ng mabuti, at ang nakaraan nilang Team Captain, ang unang Guild Leader ng Blue Brook Guild na si Wei Chen.
Pero kahit na may karunungan ka sa isang bagay, hindi ibig sabihin na magagamit mo ang karunungan na iyon sa labanan.
Kung ang karunungan ay sapat na para maresolba ang kahit na ano mang problema, magiging madali para sa kahit na sinong Team ang manalo sa mga kumpetisyon.
Ginamit ni Mo Fan ang Shadow Dance bilang pambungad na atake sa labanang ito. Hinatak ng mga Shadow Clone ang atensyon ni Huang Shaotian. Isang magandang pambungad na atake ang ginawa ni Mo Fan, at talagang nalinlang niya doon si Huang Shaotian.
