Soul Slice!
Isang kulay-lilang liwanag ang kumurap mula sa Death's Hand. Pagkatapos nito ay ilang mga kulay-lilang liwanag ang dumeretso sa Sandbag na nasa hangin.
Nagulantang si Du Ming. Hindi na siya nangahas pa na maghintay na makarating sa kaniya ang Sandbag, dahil sa pinasugod niya ang kaniyang Moon-Luring Frost para sunggaban ang Sandbag.
Kahit na hindi niya makuha ang Sandbag ay hindi niya hahayaang mapasakamay nito ng kaniyang mga kalaban.
Pero kahit na gaano pa man siya kabilis ay hindi makakakumpara ang bilis niya sa bilis ng isang skill ng mga manlalaro. Tiningnan ni Du Ming ang daang tinatahak ng Soul Slice, at siya'y nanghula.
Kaagad na pinuntahan ni Du Ming ang lugar na tinatahak ng Soul Slice. Pero hindi inaasahang hindi tatama ang Soul Slice sa Sandbag.
Hindi tumama?
