"Palace Master, ang pusa na naman…"
May pagdilim ng ekspresyong lumitaw sa mukha ng elder.
Agad na nanggalaiti sa galit ang Pure Yang Palace Master nang marinig nito ang salitang 'pusa', at agad siyang napatayo.
"Palace Master, ano itong tungkol sa isang pusa?"
Sigurado na si Zhao Feng na ang pusa sa Pure Yang Palace ay ang munting pusang magnanakaw.
"Isang taon ang nakalipas, isang pusa ang biglang dumating. Nagulat lang kami, ngunit nagpalakad-lakad lamang ito sa palasyo. Wala sanang pakialam dito ang Pure Yang Palace, ngunit hindi namin inakalang papasok ito sa 'Celestial Garden' upang kumain ng mahahahalaga naming mga halaman!"
Pagsusuma ng Pure Yang Palace Master.
Sa totoo lamang, noong napansin ng palasyo kung gaano kakaiba ang pusang ito, sinubukan nila itong hulihin, ngunit paulit-ulit silang pumalpak.
Isa ring hiwalay na dimensyon ang Celestial Garden kung saan nagpapalaki ng mga halaman ang Pure Yang Palace.
