"Nais mong patayin si Zhao Feng sa ganiyan kahinang kakayahan?" Sinuri ni Zhao Feng ang tatlong Ancient God, at bahagyang ngumiti.
Hwooom!
Ang nagliliyab na gintong gulong sa kaniyang harapan ay mabagal na umikot, ngunit mukhang hindi na ito makakaabot sa kaniya. Ang eksenang ito ay nagdahilan upang ang mga puso ng mga Ancient God ay bumigat sa gulat.
"Time Intent!?" Ang tatlong Ancient God ay natural na naramdaman ang enerhiyang ito. Ngunit anong lebel ba ang Time Intent ni Zhao Feng na nakayanan nitong pigilan ang atake ng Ancient God Golden Wheel?
"Imposible ito! Paano mo…?" Ang katawan ng Ancient God Golden Wheel ay nanginig nang hindi makapaniwalang tumingin kay Zhao Feng.
Ang mga ulat ng Blazing Gold Race ay nagsabing si Zhao Feng ay isa pa lamang Rank Seven Ancient God. Ngunit madali bang mapapahina ng isang Rank Seven ang supreme technique ng isang Rank Eight? Hindi pa sampung taon ang nakalipas, ngunit lumakas na nang ganito si Zhao Feng?
