Kadiliman, ibig sabihin ay mas madadagdagan ang lakas ni Marvin!
Eternal Night!
Ang Night Walker ability na ito ay mas naging nakakatakot matapos itong lumakas.
Ang pinakanakakatakot para sa dalawang God ay napagtanto nila na hindi nila mahanap ang lokasyon ni Marvin…
Wala na pala sila sa Collapsed Earth ng Elemental Plane of Earth nang hindi nila nalalaman.
Nasa isang napakadilim na kwarto sila.
"Maligayang pagdating sa Eternal Night Kingdom."
Tila isang bangungot ang boses ni Marvin, at ang presensya niya ay tila nanggagaling sa lahat ng direksyon!
Ngayon na nagamit na niya ang Night Monarch Artifact dito, wala na siyang balak pataasin ang mga God na ito!
Papatayin na niya ang mga ito.
Dahil sa gusto siyang hulihin ng tatlong ito at kunin sa kanya ang Fate Tablet, kailangan nilang magbayad!
Ang Eternal Night Kingdom ay isang makapangyarihang Artifact, at kakaunti lang ang may kakayahang tumapat ditto. At hindi lang sa pagtakas magagamit ang Artifact na ito, magagamit rin ito para mapigilan ang pagkilos ng kahit sino!
Sa isang iglap, bumaba ang kadiliman at nilamon ang lahat.
Maririnig pa rin ang paghiyaw ng Black Dragon God!
Ang Dream God at ang Queen of Spider ay labis na natakot nang makita ang kulay dugong Imprint na lumitaw sa Divine Source ng Black Dragon God!
Sa tuwing aatakihin ito, madadagagan ang imprint ng isa pang layer!
Ito ang nakakatakot na kapangyarihan ng Sodom's Blades laban sa mga God!
[Slaughter Imprint]!
Sa tuwing tatami ang Sodom's Blades sa isang Divine na nilalang, magdadagdag ito ng Slaughterer Imprint sa kanyang Divine Source.
Ang bawat Slaughterer Imprint ay kakalahatiin ang bilang ng Resurrection ng God na iyon sa pamamagitan ng pagdoble nito ng Divine Source Expenditure para sa lahat ng Recovery Ability.
Kinakalahati!
Isa itong nakakatakot na epekto!
Kayang mag-Resurrect ng Black Dragon ng dalawampung beses!
Pero sa Weakenung Effect ng Slaughterer Imprint, mas kakaunti ang pagkakataon niyang muling mabuhay.
Nang mapagtanto nila ito, labis na natakot ang Dream God at ang Queen of Spiders!
"Kailangan nating makaalis!"
"Kailangan natin makatakas sa lugar na 'to! Ito ang Eternal Night Kingdom ng Night Monarch! Hindi ko lubos akalain na mamanahin niya ang Will ng Night Monarch at magkakaroon ng kakayahang kontrolin ang Artifact na ito. Hindi natin siya matatalo dito," mabilis na sinabi ng Dream God.
Sinubukan niyang gumamit ng Divine Spell para sirain ang seal na nakapalibot sa Eternal Night Kingdom.
Pero hindi ito gumana!
Hindi pinansin ni Marvin ang kilos ng mga ito!
Paulit-ulit niya lang iwinasiwas ang Sodom's Blades at umatake!
Sa loob lang ng tatlumpung segundo, ang Eternal Night Kingdom ay napuno ng pag-sigaw ng Black Dragon God!
Ang Black Dragon God, na iisang buhay na lang ang natitira ay inilabas ang kanyang tunay na Divine Body!
Isa itong Black Dragon na kasing laki ng White River Valley!
Tila isang langgam si Marvin sa harap nito!
Pero ang napakalaking halimaw na ito ay puno ng takot habang tinitingnan si Marvin.
Isang tunog na tila nagngangalit na ngipin ang nagmula sa Sodom's Blades!
Ito ang tunog ng pagkasabik ng espiritu ng mga dagger na ito!
Isa itong tunay na sandatang pamatay. Para sa mga God, isang bangungot ang pagkakagawa nito. Ang lahat ng katangian nito ay eksakto para sa pakikipaglaban sa mga God at sa kanilang mga tagasunod!
Para itong Weeping Sky na espesyal naman na ginawa para sa mga Dragon.
Hindi natinag si Marvin sa itsura ng napakalaking Black Dragon.
Habang nasa loob ng Eternal Night Kingdom, hindi lang nadodoble ang kanyang lakas, pero mayroon din siyang kakayahan na kumilos sa isang iglap!
Dahil sa nakakamanghang busrt power, ang tatlong God na ito ay paniguradong mamamatay na sa lugar na ito.
Sa sobrang desperasyon, umatungal ang napakalaking Dragon at nagpakawala ito ng Dragon Breath.
Parang isang multo si Marvin na biglang nawala sa kinatatayuan nito at napunta sa itaas ng Black Dragon
Sa sobrang bilis nito, kahit pa gustuhin man ng Dream God at Queen of Spiders na iligtas ang Black Dragon God, ay hindi nila ito magagawa! Peo sa puntong ito, sarili na lang nila ang kanilang iniisip!
Sa isang iglap, nawala ang Sodom's Blade mula sa kanyang mga kamay!
Napalitan ito ng isang spear na may matinding presensya ng pagpatay!
Weeping Sky!
Ang Dragon Slaying Spear!
Kasama ng lakas ni Marvin, walang habas na sinaksak ng Dragon Slaying Spear ang leeg ng Black Dragon God. Bumagsak ito at napako ang katawan nito sa lupa!
Nabasag na ang natitirang Divine Source at nawala na ito!
Tumingala si Marvin at tiningnan ang Dream God at ang Queen of Spiders habang nagpupumilit makatakas ang mga ito.
"Nasa akin ang Fate Tablet! Kung gusto niyo, kunin niyo sa akin," mahinahing sabi ni Marvin habang nilalagay ang kamay sa kanyang dibdib.
Malumanay niyang hinakbangan ang bangkay ng Black Dragon God, pero sa mata ng dalawang God na ito, parang isang baliw na Demon si Marvin.
"Maghiwalay tayo para makatakas!"
Kinuyom ng Dream God ang kanyang ngipin at agad na nawala.
Makikita ang panghahamak sa mga mata ni Marvin.
'Gusto mong makatakas sa Eternal Night Kingdom?'
'Masaydong mataas ang tingin mo sa sarili mo.'
Nawala ang Spear na hawak nito at muling napalitan ng Sodom's Blades, saka nito sinimulang asitahin ang susunod niyang biktima!
…
Sa loob ng God Realms.
Dahil sa paglitaw nina Marvin at ng Dragon Thief, nagkaroon ng matinding kaguluhan sa God Realms.
Mabuti na lang at inanunsyo na ng dalwang Great God na napalayas na nila si Marvin at ang Dragon Thief.
Pansamantalang bumalik ang kapayapaan ng God Realms.
Pero hindi nagtagal ang kapayapaan na iyon. Isang nakakatakot na pakiramdam ang bumagabag sa puso ng mga God.
Tila ba mayroong bagay na konektado sa kanila ang bumagsak!
Noong oras na iyon, naalala nila ang eksena bago bumagsak ang Shadow Realm!
"Hindi maganda 'to! Isang God ang namatay!'
Kahit sina Moon Goddess Faniya at ang Truth Goddess Molly ay makikita ang pagkabalisa sa kanilang mukha.
Ang pagbagsak ng isang God Realm ay hindi biro. Kung hindi ito matutugunan nang maayos, maaari itong magdulot ng sunod-sunod na problema at masira ang buong istruktura ng God Realms.
Kapag nangyari iyon, maaaring atakihin ng Hell o ng Abyss ang nanghihinang God Realms!
"Tingnan niyo!"
Dumating ang mga God sa lokasyon na pinagmulan nito.
"Ang Black Dragon God!"
"Anong nangyayari? Bakit gumuguho ang kanyang God Realm? Ibig sabihin ba nito ay namatay siya?"
"Hindi ba umalis siya kasama ang God of Dawn and Protection pati na ang War God para magpunta sa Eternal Plane of Earth?"
Naguguluhan ang mga God.
"Ako na ang bahala," agad na sabi ni Faniya.
Gayunpaman, hindi ito ang oras para isipin kung paano bumagsak ang Black Dragon God. Kinailangan muna niyang asikasuhin ang proseso ng pagkasira ng God Realm nito at siguraduhing maayos ang pagbasak nito sa Astral Plane nang walang tinatamaang iba pang God Realm.
Pero sa oras na iyon, muling may naramdaman ang mga God!
"Ito…"
"Diyos ko! Ang Queen of Spiders!" Hindi mapigilan sigaw ng isa pang God.
May isa pang namatay!
Sumimangot ang Truth Goddess kasabay ng paglita nito sa God Realm ng namatay na God. Ginamit nito ang kanyang Truth Scale para masigurong maayos ang pagbagsak nito at hindi na magdudulot ng karagdagang problema.
Pero dahan-dahang nadagdagam ang takot na bumabalot sa puso ng mga God.
Paano namatay ang dalawang God na iyon?
Pero bago pa man nila malaman ang sagot, pangatlong beses na nilang naramdaman ang pakiramdam na iyon!
Sa pagkakataong ito ay natahimik ang lahat ng mg God!
Nalaman nila na ang ikatlong God Realm na gumuguho ay ang Dream Realm!
"Pucha! Kulang ang mga Ancient God!
"Baka madamay ang pagbagsak ng Dream Realm sa mga nakapaligid pang Dream Realm!"
Natataranta na ang mga God!