"Rian una uhakika tutapata mahali pa kuketi naona hadi nje pamejaa!" Aretha akamuuliza Ed walipofika Lunch Hour Restaurant. Mgahawa ambao ulipika chakula kizuri na bei yake ilikuwa rafiki kwa kila mtu.
"Usijali Retha bado kuna nafasi kwa ajili yetu" akachukua simu yake na kupiga ikaita kisha ikapokelewa.
"Rommy niko hapa nje" Ed akaongea akisubiri making ya upande wa pili.
"Sawa, nakusubiri" Ed akajibu na kukata simu!
"Retha dakika kumi tutaingia"
"Sawa"
"Kuna kitu nataka kukwambia princess" Ed akamwambia Aretha..
"Aahm" Aretha akamjibu huku akiondoa macho yake kwenye simu na kumuangalia Ed tayari kumsikiliza.
"Joselyn alikuja ofisini kwangu leo" baada ya kusema maneno haya Ed akamuangalia Aretha usoni kusoma hisia zake kabla ya kuendelea. Aliona utulivu katika hisia za Aretha kitu kilichomfanya aendelee,
"Alikuja na bahasha yenye picha ambazo zinatuonesha tuko pamoja." Ed akaendelea kumuangalia usoni lakini Aretha alimpa ishara kwa kutikisa kichwa kuwa aendelee.
"Kuna picha ambazo zinatuonesha aaahm..tukiwa pamoja aaa kitandani..ambazo anakusudia kukuletea uzione ili uniache" Ed alimeza mate baada ya kuona Aretha amebadilika kidogo usoni "Damn you Lyn" akamlaani mawazoni mwake Joselyn, akajikaza na kuendelea
"Lakini Retha, sikukwambia ilitokeaje nikawa na ukaribu ule wa hadi kitandani na Lyn, nakuomba unipe nafasi nikuelezee" Akamwangalia Aretha ampe ruhusa ya kuendelea..
"Rian" Aretha akamuita kwa sauti ya upole huku macho yake yakiangalia vidole vyake.
"Eehm" Ed aliitika na wakati huo mapigo ya moyo ghafla yakaongezeka akihofia nini Aretha angesema. Ghafla Retha akamwambia "nikumbatie"
"Eeeeehm" kwa mshangao kama hakusikia vyema akamwangalia Aretha ambaye alisubiri Ed afanye alichomuomba huku akitabasamu
Akaachia mikono yake na kumkumbatia Aretha huku majibu tofauti yakipishana kichwani kwake kujibu swali la, "nini maana ya hili kumbatio"
Au Aretha ndio ananiacha?
Au ameumia kwa hilo?
Aretha akajitoa mikononi mwa Ed akamwangalia huku tabasamu lake likiendelea kumchanganya zaidi, akasogeza mkono wake wa kushoto akauweka kifuani kwa Ed ambaye aliweka juu wa kwake akiushika wa Aretha
"Najua mambo mengi yataibuka hasa kuhusu wewe na yule dada Rian. .a aahm ninachagua kukuamini pasipo kusikiliza kilichotokea. Wala usisumbuke kunielezea, Rian..am over 20 hata kama sina experience na uhusiano naweza elewa. Umemuacha si kwa sababu yangu bali una sababu zako. Ni kawaida kwa yeye kunifuatilia mimi ili kunichanganya. I love you hii inatosha hata akituma picha sitaziangalia. Amani iwe ndani yako"
Ed ambaye aliugandamiza mkono wa Aretha kifuani alitamani kumnyanyua alipoketi ambebe... akauchukua mkono na kumbusu sana, "Thank you Retha"
Simu yake ikaita, "Eeh tayari Rommy" akaitika. "Okay tunakuja kupitia huko nyuma" akakata simu, akamgeukia Aretha na kumwambia nafasi ilikuwa wazi tayari waende. Kabla ya kushuka akamshika Aretha kwa ghafla mabegani, "please a simple kiss Retha" akambusu kwa taratibu mdomoni kisha akamwambia "twende princess" akainama na kufungua mlango wa upande wa Aretha kwa ndani.
Wakaelekea mlango wa nyuma ambao uliwaepushia macho ya watu wengi waliokuwa wakipata chakula.
Ed akaushika mkono wa Aretha mpaka walipokutana na Rommy ambaye aliwapeleka kupitia jikoni hadi walipotokea kwenye ukumbi mdogo wa VIP ambao sasa ulikuwa na watu wachache. Baadhi yao walionesha kumfahamu Ed
"Mr Simunge" mhudumu akainama kwa heshima kisha akawaelekeza kwenye meza ambayo ilijitenga kidogo na nyingine.
Walipoketi, akachukua oda zao na akaondoka huku akiahidi kurejea na juisi.
*******************
"Loy eeeh?" Renatha akamwangalia Loy ambaye alikuwa kwenye mgahawa uliokuwa kwenye jengo hili la Ashanti.
Karibu asilimia kubwa ya wafanyakazi waliofanya kazi kwenye jengo hili walikuja kula kwenye mgahawa huu. Mchana huu Loy aliketi kwenye meza peke yake akipata chakula cha mchana. Aliwahi kwa kuwa Ed bosi wake aliondoka mapema. Akaamua kuja kula mapema kabla ya kukabiliana na baadhi ya ratiba za Ed ambazo Allan alikabidhiwa kuzikabili.
"Yes, Loyce" akamjibu Renatha ambaye aliketi bila wasi.