Derrick alipomaliza kumsimulia kaka yake yale yaliyotokea kati yake na Lyn, alishangaa kuona tabasamu usoni kwa Ed. Alitegemea kusikia "mmmmm" lakini haikutoka mdomoni mwa kaka yake na badala yake kulikuwa na tabasamu kama la mtoto aliyekuwa akitafuta kitu halafu ghafla akakiona..
"Bro vipi...kitu gani kimekufurahisha?" Akauliza Derrick..
"Ah, ooh samahani, nimekumbuka kitu ndio nikatabasamu" akamwangalia mdogo wake ambaye alikuwa kwenye kitendawili cha kung'amua tabasamu la kaka yake..akaendelea
"Kwa mara nyingine...nisamehe. Sikujua kabisa mlifikia hapo, sikukupatia nafasi ya kujieleza. Naomba umsamehe kaka mkubwa kwa kukujeruhi."
"Hamna shaka bro, limepita hilo. Na hata hivyo naamini utafanya maamuzi sahihi." Derrick akamuwahi kaka yake asiendelee kuomba msamaha. Ulimwengu wa nje ulimfahamu Edrian kama mtu asiyetoa "samahani" yake haraka, lakini kwa Derrick anamjua kaka yake linapokuja suala la familia ni mwepesi kusihi msamaha kwa ndugu zake kuliko anavyotambulika.
"By the way..ikiwa utamsamehe Lyn nitakuelewa tu bro, liko kwenye maam____"
"Mdogo wangu nashukuru, nina swali nami nataka nikuulize" Ed alimkatisha Derrick
"Niulize tu bro"
"Kuna kitu kingine unachokijua zaidi kuhusu Lyn?"
Derrick akamwangalia kaka yake kisha akatikisa kichwa kuonesha kuna kitu bado hakuwahi kumwambia Ed
"Hata kama isingekuwa kilichotokea kati yangu na yeye, kuna hisia tu ilikuja tangu nilipomuona kwenye harusi ya bro Bri ambayo ilinitahadharisha nae, I felt it, more like a warning"
"Mmmhhh" Ed akaguna
"Bro... usinikasirikie lakini, kuna kitu Emmy aliniambia tulipokuwa harusini lakini sikumwamini mpaka uliporudi siku ya pili nyumbani ukiwa unalalamika unasikia mwili u dhaifu sana"
Macho ya Ed yakakaza kumuangalia Derrick usoni kwa mshangao uliobeba swali,
"Niambie D, tafadhali usinifiche tena"
Derrick akainua shingo yake iliyokuwa imeegemea kwenye kiti akamwangalia kwa sekunde kaka yake akijaribu kufikiri akisikia hicho anachotaka kusema atafanya nini. Akapiga mahesabu kichwani kisha akamwambia
"Siku ya harusi ya bro Brian, kumbuka tulikaa meza moja kitu ambacho kilitufanya sisi kumfahamu Lyn kama mtu ambaye uko na mpango naye wa kumvisha pete."
"Mmh" Ed akampa ishara aendelee...
"Wakati tumemaliza kucheza muziki tukiwa tunarudi, wewe ulikuwa unaongea na classmates wako. Mimi sikuwa naangalia kule mezani, lakini Emmy wakati namrudisha aliniambia alimuona Lyn akirudisha kichupa fulani kwenye pochi yake na kisha akatikisa glasi yako iliyokuwa na mvinyo.. akaniuliza kwa kiasi gani nakufahamu nikamwambia si sana"
Ed aliyekuwa akisikiliza kwa makini ni kama macho yake yalitaka kutoka kwa namna alivyoshtuka.."eehhh" akauliza kutaka kujua zaidi...
"Bro nilimwambia Emmy labda ameona vibaya, lakini alinihakikishia kuwa ameona kwa macho yake. Na tena Lyn alionekana kufanya kwa haraka asijulikane."
"Mmm" Ed aliguna na kumfanya Derrick ajue mazingira yamebadilika
"Bro alipomaliza kuniambia nilipiga simu yako haikupokelewa, nikampigia bro Li akaniambia mmeondoka na Lyn. Na nilipojaribu kumuuliza hali ya muonekano wako, akaniambia uko vizuri na inaonekana ulitaka privacy na Lyn so uliondoka na gari ukimuacha Bro Li arudi na Allan."
Ed akashusha pumzi na kumwangalia Derrick ambaye aliona taabu hata kupumua kwa jicho kali lililomwangalia....
"Bro relax kwanza...siku ya pili ulipompigia bro Li aje awachukue hoteli mlipolala nikataka kufuatana nae lakini akanizuia na kunihakikishia kuwa atanitaarifu ikiwa kuna shida... Aliporudi alikuja nawe na ulionekana uko vizuri japokuwa ulilalamika uchovu tu na ukaenda kulala. Nilijaribu kukuchunguza lakini sikuona jambo baya. Hata sasa bado naamini utabaki salama bro" Derrick alimaliza akiwa tayari kubeba ghadhabu ya kaka yake kwa kukaa kimya. ...
"Kwa nini hukuniambia mapema D, vipi kama ingekuwa sumu si ningekufa" Ed aliuliza kwa sauti ya chini ambayo ilibeba mitetemo ya hasira
"Kwa kweli nisamehe bro lakini kwa namna ulionekana baada ya kurudi na mlivyokuwa na Lyn nikaamini hawezi kuwa alikuwekea sumu."
"Na je kama ni sumu ya kuniua taratibu je?" Ed akamuuliza akiinua jicho lake