Ruhan Vani Visiting Room me Couch pe bethe hai, Photographer unki pictures click kr raha hai, Ruhan Vani se duri bana kar betha hua hai, Ruhan ne Vani ki taraf ek bar bhi nhi dekha, Vani ki Ruhan se kuch kehne ki himmat nahi ho rahi hai, wo bhi chup chap bethi hui hai. Sab Ruhan aur Vani se Milne aa rahe hai aur Unhe Engegment hone ki khushi me Badhai de rahe hai.
Tabhi Yug jaldi me Ata hai, aur Vani ke pas beth jata hai "Are Vani, Tum.... tum kitni khubsurat ho gai ho....." Yug Excitement me kehta hai.
Vani Yug ko dekh kr hairan ho jati hai, Ruhan Yug ko Vani ke pas betha dekh kr Use ghurta hai.
"Mujhe nahi pechana?, are main hun Yug...Yug? " Yug Vani ko yaad dilwate huye.
Vani Halki si smile kar ke, "Oh.... Yug... Jo humse aage wali class room me the...?" Finger Yug ki taraf karke bolti hai.
Ruhan ne Vani ki awaz ab suni thi aur uski face pe aati smile bhi ab dekhi thi. Ruhan Vani ko bs dekhta hai.
"Han wahi wahi...." Yug kehta hai.
"tum bhi bahut badal gaye ho... Aur bhi handsome lagne lage ho..." Vani Mazakiya andaz me kehti hai. Ruhan Ye sun ke Muh bana leta hai.
"ha...Sachi...." Yug ke hairani se khene pr Vani ser han me hilati hai,
"agar mujhe pta hota, ki tum itni beautiful ho jaogi... to main tumhe dhundhta aur Apni GF zarur bnata...." Yug Halki awaz me majakiya andaz me kehta hai.
Ruhan ye sun kr Apni ankhe badhi badhi kar ke Yug ko dekhta hai. Yug Ruhan pe dhyan nahi deta.
"Acha chalo apna number do..." Yug mobile Vani ko dete huye.
"Han zarur...." Vani Yug ka mobile le kr Usme apna number type karne lagti hai. aur Type karke de deti hai.
"Ah... ab tum dono maje karo... mujhe jana hoga... Phir milte hai... Vani... Ruhan Vani ko mere Restaurant me zarur lana....Bye " Yug Kehta hua chala jata hai.
Vani smile karke Hath hila kr Yug ko bye kehti hai.Ruhan Vani ki aur gusse se dekh kr muh pher leta hai.
"Lagta hai, Tum kisi ko bhi apna personal number asani se de deti ho..." Ruhan Dusri or muh phere huye Vani se kehta hai.
Vani Ruhan ki aur Hairan karke dekhti hai, Kyunki usne kafi der bad Vani se kuch kaha hai.
Ruhan apna mobile nikal kr Vani ki aur karke deta hai. "Isme apna number add kar do"
Vani Ruhan ko dekh uska mobile leti hai, apna number add karke Ruhan ko deti hai, Ruhan le kr apne Coat ki pocket me rakh kar gheri sans leta hai.
usi time Vani ki Mom aur Grandpa sath aa jate hai, Vani ki mom sidha Ruhan ke pas jati hai.
"Ruhan....beta kitne bdhe ho gaye ho tum... pehchan me bhi nahi aa rahe... "
Ruhan Smile karke Vani ki Mom ko Greet karta hai,
"Hello... Aunty kese hai aap.... "
"dekho tumhare samne hi hu ek dum thik thak.... budhi..." Vani ki mom haste huye.
"Aap abhi bhi Jawan hi dikhti hai... aur khubsurat bhi..." Ruhan Vani ki mom ko ankh marte huye.
Grandpa Ruhan ko khush dekh kr Smile karte hai.
kuch der bad,
sab guest chale gaye hai, Vani aur uski Mom bhi jane lagte hai,
"Ji ab hum chalte hai" Vani ki mom Grandpa se hath jodte huye.
"Nahi aap kaha jaa rahi hai, Ruhan apko ghar chod dega..." Grandpa Ruhan ke Sholder pe hath rakh kr.
"Ah.. Nahi preshan mat hoiye... Ruhan bhi thak gaya hoga....hum chale jayege..." Vani ki Mom
"No problem... main apko jaldi chod dunga aaiye... " Ruhan Apni car ko remote key se open karta huye.
Ruhan car ka back gate open karta hai, Vani aur uski mom Piche beth jati hai, Ruhan bina kuch kahe Car drive kar rha hai aur vani ko front mirror se dekh rha hai,Vani Window se bahar dekh rahi hai, Vani ke ghar aa gaya hai, Ruhaan Car se utarta hai, Vani aur uski mom bhi utarte hai, Ruhan Ghar ko dekhta hai wo ek vegetable shop thi.
"To Vani yahan rehti hai" Ruhan man me.
"Sukhriya beta hume ghar pahuchane ke liye.... andar aao...." Vani ki mom
"No... Aunty... phir kabhi aaunga... raat bahut ho gai hai... aap bhi rest kariye...." Ruhan smile karke.
"Thik hai beta... Zarur... " Vani ki mom kehte huye andar chali jati hai.
Vani Ruhan ke pas hi khadi hai,
"Tumhara sukhriya... hume ghar chodne ke liye..." Vani Hichkichate huye kehti hai.
"Hmm... Ab andar jao..." Ruhan Vani se keh kr Car me beth kar drive karke chala jata hai. Vani Ruhan ko jate huye dekhti rhe jati hai.
'The Blue pearl'Mantion,
Ruhan Mantion aata hai, Grandpa couch pe beth kar coffee pee rahe hai.
"Grandpa... apse ek bat puchni hai..." Ruhan Grandpa ke pas aakar kehta hai.
"han zarur... pucho kiya puchna hai? " Grandpa Cup table pe rakhte huye.
"Aapne... Vani ko kese dhundha...?Jabki aap kabhi usse nahi mile the... " Ruhan
"Maine use nahi dhundha... bas wo mujhe mil gai...." Grandpa Ruhan ki aur dekhte hai.
"kaise.....?, Kiya Vani apko janti thi?,....Kiya Vani ne apko dhundha tha? aur apne mujhe kyun nahi bataya, ki jisse meri engagement ho rahi hai wo Vani hai?"Ruhan Hairani se puchta hai.
"Hum tumhe surprise dena chahate the,.... Vani ko humne anjane me dhundha hai,.....aur hume Vani nhi janti thi, jab tak humne btaya Nahi" Grandpa
"Ap kehna kiya chahate hai, Grandpa saaf saaf bataiye.....?" Ruhan Mayusi se.
"Humne Vani ko Kisi ki help karte huye dekh kar, Tumhare liye pasand kiya tha...Uske bad humne khud uska pata karne ke liye Aam adami ban kr uspe nazar rakhni chahi...Tab humne dekha... Ki uske hath me tumhara diya hua bracelet hai" Grandpa Ruhan ko dekh kr kehte hai.
"Bracelet....? "Ruhan hairan hoker puchta hai.
"Han.... Bracelet.... kiya tum bhul chuke ho?, Ye wahi bracelet tha.... jise tum 11sal phele apne room me hath me le kr Mushkrate huye dekh rahe the.... humne tumhe Dekha tha..... uske bad hume wo bracelet phir kabhi nhi dikha...yani wo bracelet Vani ke liye hi tha....."Grandpa
Ruhan Grandpa ki bat sun kr gheri saans leta hai.
"Grandpa..... Zaruri to nahi hai....Usne wahi bracelet pehna ho... ho sakta hai, apko Galatfemi hui ho....Ho sakta hai...wo bracelet dusra ho... ?" Ruhan Grandpa se frustrated ho kar.
"Nahi.... Hum jante the uska nam Vani hai... lekin humne uske hath me jab wo bracelet dekha... hume pakka yakeen ho gya ye wahi Vani hai... jiske sath tum rehna pasand karte the.... Aur tum Hume Samjha rahe ho... ki hume chizo ki samajh nahi hai...Ruhan.... Wo bracelet Germany made tha... Jiske dunia me sirf 8 pieces hai, Vani jesi ladki ke pas itna rare bracelet kese aaya?" Grandpa Ruhan ki ankho me dekh kar kehte hai.
Ruhan Grandpa ko bas hairani se dekhta reh jata hai.
"Jao soh jao... hume bhi nind aa rahi hai....kal tumhe humare sath company chalna hai...." Grandpa kehte huye uth kr apne room ki aur jaane lage hai.
Ruhan wahi khada soch me reh jata hai.