Asher's POV
Saglit akong natahimik sa tanong ni Nixon, hindi ko rin alam kung paano ko ito sasagutin sa gulat. Ramdam ko ang muling pagbilis ng tibok ng aking puso, nagtama ang aming mga mata, tanaw ko ang ligayang nais kumawala sa oras na sagutin ko siya nang oo.
Napailing ako at sasagot na nang bigla akong inunahan ni Nixon.
"Ayaw mo, Baby?" Tanong niya.
"Bakit ka umiiling? Ayaw mo ba?" Tanong pa nitong muli.
Mahina akong natawa. "Napaka-advance mo."
"Gusto ko, Nix. I'll go out on a date with you, Baby."
Sumuntok ito sa hangin tsaka tumalon na parang batang pinagbigyan na gumala sa labasan. Ang kilos nito ang dahilan para matawa ako.
"Hoy para kang tanga may mga taong tumingin na sa iyo oh." Puna ko sa kaniya.
Dumila ito sa akin. "Ano naman? Masaya ako eh, mainggit na lang sila."
"Tsaka, pogi naman ako, swerte nila makakita ng tulad ko." Nginisian niya ako.
