Ikaw ang bahaghari pagkatapos ng ulan
Ikaw ang bahaghari sa bawat pagtahan
Ikaw ang bahagharing, kay sarap na pagmasdan
Ikaw... Ikaw.. ikaw... Hanggang sa walang hanggan
Noong una kang makilala ay di ko inaasahan
Ang pagpana ng pag-ibig ay di ko maiiwasan
Sa Palasong, pinakawalan, ako ay tinamaan
Mistulan bang biglaan na pagbuhos ng ulan
Ako'y walang dala na payong, hindi ko napaghandaan
Ngunit imbis na takbuhan ay nilusong ko na lamang
Ipipikit mga mata. nakatingala sa ulap sa pagbuhos mo ako'y nag-aabang
Dinarama bawat patak na darampi saking katawan
Dinarama iyong presensya sa puso ko't isipan
Ikaw ang bahaghari pagkatapos ng ulan
Ikaw ang bahaghari sa bawat pagtahan
Ikaw ang bahagharing, kay sarap na pagmasdan
Ikaw... Ikaw.. ikaw... Hanggang sa walang hanggan
Bumuhos man muli ang ulan ay di ako mangangamba
Dahil sinta ay nand'yan ka
Wala nang ibang kailangan pa
Ikaw ang aking silong sa gitna ng bawat trahedya
Ang sikat ng araw sa pagdating ng bagong umaga
Sa tingin ng 'yong ,mga mata agad ako na kakalma
Sa bawat salita tanggal agad pagka balisa
Sa buhay ko ay may ngiti na ikaw lamang nagdadala
Sa bawat pagkapagod ikaw ang aking pahinga
Ano mang unos ay makakaya basta ikaw lang ang kasama
Ikaw lang talaga
Buhay ko'y nagkakulay dahil ikaw ang nagpinta
at kung ito ay isang kanta ikaw ang aking melodiya
Bahagharing sa buhay ay nais ko na makasama
Ikaw ang bahaghari pagkatapos ng ulan
Ikaw ang bahaghari sa bawat pagtahan
Ikaw ang bahagharing, kay sarap na pagmasdan
Ikaw... Ikaw.. ikaw... Hanggang sa walang hanggan