Tara jab wapis aai mere sath tabhi Sara bhagte hue uske paas aai aur use gale lga liya. wahi teachers bhi pahunch gaye, unhune Tara ko danta bhi aur samjhaya bhi. main wahi khade hokar unki baatein chup chap sun raha tha. Tara ne meri taraf dekhte hue teachers ko kaha "achha hua sidharth waqt par aagya warna pata nahi kya hota.." maine use dekh kar smile kiya.
Bas ab ye suhana safar khatam hone wala tha. Hum chalte hue dobara bus spot par pahunche bus pehele si waha aakar khadi hui thi. thoda aaram karne ke baad humsab bus mein chadh gaye. Achhi baat toh yeh thi ke Tara pehle ki tarah mere samne wali row mein baithi hui thi. Bus college ke liye chal padi.
Tara shayad bahut thak chuki thi is liye wo 10-15 minutes mein hi so gayi. mere kaan me headphones lage hue the. Sabhi bahut thak gaye the is liye so chuke the. Bus ki light bhi band thi. Main Tara ko dekh raha tha, wo bahut khubsurat lag rahi thi sote hue.
Kuch time mein bus ek dhabe par ruk gayi. saare bachhe chai nashta karne niche utar gaye. Lekin Tara abhi bhi so rahi thi. Lagtahai chalte chalte bahut thak gayi hai. Uski taraf dekh kar main ye soch hi raha tha tabhi wo uth gayi. jaldi se maine apna face niche ki taraf karliya. Usne mujhe bulane ki koshish ki lekin mujhe natak is liye karna pada ke maine kaan mein headphones lagaye the. Fir usne hath se hilate husme mujhe bulaya aur pucha..
"Ye sab log kaha gaye hai?"
"Sab chae pine utre hain, aapko bhi pina ho toh chale jao"
"oh, tum nahi gaye?"
"nahi mujhe maan nahi hai"
"achha."
"aapko jana hai toh aap chale jao"
"toh tum yaha akele rahoge?"
"haa, kya hua!"
"nahi jane do main nahi jaungi, tum bhi chalo toh hi jaungi"
"arey nahi aap jao main hu na yaha."
"nahi jaane do mera bhi maan nahi hai"
"achha ruko..."
Maine apna phone se apne dost ko phoen karke kaha..
"sun bhai zara ek chai bus mein lete aa jaldi"
"arey lekin..."
Mujhe pata hai Tara ko chai pina hai shayad mujhe bus mein akele chodkar nahi jana chahti.
"mujhe pata hai aapko pina hai, aap nahi ja rahi hain toh maine chai yahi mangwa liya" :-)