Hum dono jab wapis gaye tab sara aur teachers dodte hue aae aur kehne lage
" Tara thik toh ho na? itni der se kaha thi tum?"
"Main thik hu, wo toh achha hua sidharth waqt par aagya warna pata nahi kya hota.."
Maine saari baat sabko btai, teachers ne doobara akele jaane se mana kiya aur sidharth ko dobara thank you bolkar main kuch khane pine ke baad so gayi.
Dusre din hamara wapis jaane ka din tha. hum sab dobara chalte hue wahi pahunche jaha bus ne humein choda tha. hum jab pahunche toh bus pehle se hi aakar khadi thi sub ne wahi ruk kar thoda aaram kiya aur fir sab dobara ghar ko rawana hue.
Sabhi apni wahi jagahoun par baithe the jaha jaate waqt sab baithe the. toh pehle ki tarah sidharth dobara mere samne ki row mein baitha tha. main chalkar bahut thak chuki thi is liye mein bus mein so gayi.
Kuch der mein meri aankh khuli toh bus ruki hui thi aur sabhi log bus se utar chuke the. lekin sidharth bus mein hi baitha hua tha aur headphones laga kar aankh band karke baitha hua tha. maine use bulaya lekin usne suna nahi toh maine haath se hilate hue usse pucha..
"Ye sab log kaha gaye hai?"
"Sab chae pine utre hain, aapko bhi pina ho toh chale jao"
"oh, tum nahi gaye?"
"nahi mujhe maan nahi hai"
"achha."
"aapko jana hai toh aap chale jao"
"toh tum yaha akele rahoge?"
"haa, kya hua!"
"nahi jane do main nahi jaungi, tum bhi chalo toh hi jaungi"
"arey nahi aap jao main hu na yaha."
"nahi jaane do mera bhi maan nahi hai"
"achha ruko..."
Usne apna phone se kisi ko call lagaya aur kaha..
"sun bhai zara ek chai bus mein lete aa jaldi"
"arey lekin..."
usne phone rakha aur kaha..
"mujhe pata hai aapko pina hai, aap nahi ja rahi hain toh maine chai yahi mangwa liya" haste hue.