Nakabukas ang aircon sa loob ng sasakyan at natatakot si Lu Jinnian na baka sipunin si Qiao Anhao habang natutulog kaya kumuha siya ng pangkumot dito.
Nang maramdaman ni Qiao Anhao na lumapit sakanya si Lu Jinnian, biglang nanigas ang buong katawan niya at napakuyom siya ng kanyang kamao at medyo kumalma lang siya noong naramdaman niyang nakalayo na ito. Hindi nagtagal, narinig niya ang sinabi ni Lu Jinnian sa assistant nito na nagmamaneho sa harap, "Pahinaan mo ng konti ang aircon."
May suspetya na si Qiao Anhao pero dahil sobrang bait sakanya ni Lu Jinnian, pinilit niyang magsinungaling nalang sa kanyang sarili.
Kung ganito magalala sakanya si Lu Jinnian, paano naman magagawa nito na ipalaglag ang kanyang anak? Isa pa, anak din nito ang bata. Ang sabi nga ng iba, kahit ang mababangis na hayop ay iniingatan ang mga anak nito. Kahit gaano pa kacold sakanya si Lu Jinnian noon, hindi naman siya ang babaeng mahal nito kaya wala itong dahilan para maging ganon kasama sakanya…
Pero noong ipinakita ng nurse ang phone nito sakanya, nasa wire transfers log talaga ang pangalan ng assistant ni Lu Jinnian. Galing na yun mismo sa bangko at walang sinuman ang pwedeng pumeke 'nun.
Dahil mahal ni Qiao Anhao si Lu Jinnian, ayaw tanggapin ng puso niya ang masklap na katotohanan kaya pinilit niyang lokohin ang kanyang sarili at ipagtanggol ito sa kanyang isipan.
Nilinaw ng ospital na wala talaga siyang abortion records at hindi niya rin naman kilala ang nurse na yun. Bakit nga ba masyado niyang sineseryoso ang mga sinabi nito at nagawa niya pang paniwalaan na ipinalaglag talaga ni Lu Jinnian ang kanyang anak? At higit sa lahat, sino bang makakapagsabi na nabuntis talaga siya!
So kailangan niya siguro talagang taungin si Lu Jinnian…
-
Ang tunay na rason ni Lu Jinnian kaya niya niyaya si Qiao Anhao ay hindi talaga para kumain sila, kundi para dalhin ito sa ospital para sa follow up nito.
Ayaw niya sanang malaman ni Qiao Anhao na nagkaroon ito ng anak. Bukod pa dun, natatakot siyang sabihin na noong araw na nalaman niyang buntis ito ay ang kaparehong araw na nalaman niyang pinatay na pala ang batang nasa loob ng tiyan nito. At ang pinaka masaklap sa lahat, ang may kagagawan pa ito ay itinuturing ni Qiao Anhao na pamilya – amng Aunt Xu nito, si Han Ruchu.
Ipinagkaila sa kanya ang pagiging isang mabuting ama, kaya ngayon ay punong-puno ang puso niya ng galit at nauuhaw siyang makapaghiganti, pero pinili niyang akuin nalang ang lahat ng sakit na pwedeng maramdaman ni Qiao Anhao.
Kaya kagabi, gumawa sya ng paraan para hindi ito malaman ni Qiao Anhao at siya mismo ang nagpunta sa ospital.
Nasabi na ni Lu Jinnian ang plano niya sa kaya noong malapit na sila sa city hospital, tumingin ito sa rear view mirror at nagkasalubong sila ng tingin. Nang makita ng assistant na bahagyang tumungo si Lu Jinnian, agad nitong naintindihan kung anong ibig sabihin niya. Tumingin muna ito sa kaliwa't kanan para silipin ang kundisyon ng kalsada ngunit noong palabas na sila sa main road, kinabig nito ang manibela sa kaliwa at bigla nalang silang sumalpok sa isang bakod na nasa gilid ng kalsada.
-
Sobrang tagal na pinagisipan ni Qiao Anhao kung tatanungin niya ba talaga si Lu Jinnian bago niya muling imulat ang kanyang mga mata. Huminga siya ng malalim at nang maramdamang handa na siya ay ibinuka niya ang bibig, pero noong sasabihin niya na sana ang salitang 'Lu' ay bigla namang sumalpok ang sasakyan kaya tumilapon siya sa may pintuan.
Masyadong mabilis ang mga naging pangyayari kaya sobrang nagulat si Qiao Anhao at nalilito pa siya ngunit bago niya pa maproseso kung anong nangyari, hinila na siya ni Lu Jinnian at nagaalala itong tumingin sakanya mula ulo hanggang paa. Hindi nagtagal, halatang kinakabahan itong nagtanong sakanya, "Ayos ka lang ba?"
Sinubukang kumalma ni Qiao Anhao pero magsasalita palang sana siya nang biglang pagalit na sumigaw si Lu Jinnian sa assistant nito na nagmamaneho sa harap, "Hindi ka ba marunong magdrive!"
Pagkasigaw ni Lu Jinnian, takot na takot na humingi ng tawad ang assistant. Walang reaksyon niyang binuksan ang pintuan at maingat na binuhat si Qiao Anhao palabas ng sasakyan. Pumara siya ng isang taxi at lumipat sila doon.