Nang makita ni Lu Jinnian ang ngiti ni Qiao Anhao, sobra ang saya at kilig na naramdaman niya. Para sakanya, ito ang pinaka magandang parte ng buhay: Kahit gaano ka pa ka'busy, sa oras naman na matapos ka ay makikita mo ang taong pinakamamahal mo na nakangiting naghihintay para sayo.
Matagal siyang nakatingin sa malambing nitong ngiti bago siya muling kumurap at kalmadong nagtanong, "Gutom ka na?"
"Ayos lang ako." Kanina, gutom na talaga siya, pero dahil medyo natagalan, lumipas na ang gutom na naramdaman niya.
Kinuha ni Lu Jinnian sa coffee table ang susi ng sasakyan niya at ang kanyang wallet habang sinasabi, "Tara, kakain tayo."
Dinala ni Lu Jinnian si Qiao Anhao sa White House Restaurant na nasa siyudad ng Beijing. Tumataginting na limang digits ang halaga ng bawat pagkain dito at hindi pa kasama dun ang twenty percent na service charge. Ang restaurant na iyon ay isang lugar na hindi kayang bilhin ng pera. Sinasabi na mas mataas pa raw ang mga requirements ng mga babaeng waitress dito kumpara sa 'Paradise', ang pinaka tanyang na nightclub sa Beijing.
Ito ang unang pagkakataon na nakapasok si Qiao Anhao sa restaurant na ito, at tama nga ang mga narinig niyang chismis tungkol dito. Sa entrance palang, kinakailangan ng magbayad ng tumataginting na pitong digits at wala pang pagkain 'yun. Lahat ng wine na sineserve dito ay kilala sa buong mundo at ang mga servers ay nakasuot ng light colored qiapaos na hapit na hapit sa katawan ng mga ito. Tunay ngang nakakabusog sa mata ang lugar na ito.
Sa totoo lang, pang mayaman talaga ang restaurant. Masarap naman ang pagkain dito pero hindi ito sulit para sa presyo nito.
Kahit na pakiramdam niya ay hindi sulit, masaya pa rin naman si Qiao Anhao sa kanyang kinain.
Malalim na ang gabi noong matapos silang kumain kaya puno na ng ilaw ang buong siyudad.
Mabilis na nagmaneho si Lu Jinnian sa kalagitnaan ng mapayang gabi pabalik sa film set.
Ayaw pa sanang mawalay ni Qiao Anhao sa piling ni Lu Jinnian kaya nang sadaling huminto na ang sasakyan, mabigat sa loob niyang kinalag ang seatbelt at dahan-dahang bumaba ng sasakyan.
Sabay silang naglakad papasok sa hotel entrance. At nang makapasok na sila sa elevator, agad itong isinara ng bellboy. Pareho nilang pinindot ang kanya-kanya nilang palapag.
Nakatingin lang si Qiao Anhao sa mga pulang numero ng paakyat na elevator. Sunod-sunod ang pag'ilaw ng mga numero hanggang sa ilang iglap lang ay nakarating na siya sa kanyang palapag. Pagkabukas ng pintuan ng, tumingin siya kay Lu Jinnian at labag sa kanyang loob na nagpaalam.
Tumungo si Lu Jinnian sakanya at sinabi, "Goodight."
Ilang sandali pa ang lumipas pero nakatingin pa rin si Qiao Anhao kay Lu Jinnian at kung hindi pa tumunog ang mga pintuan ng elevator ay hindi siya magmamadaling lumabas. Lilingon pa sana siya para muling magpaalam pero huli na ang lahat dahil nagsara na ang mga pintuan.
Pagkarating ni Lu Jinnian sa kanyang kwarto, nagtanggal muna siya ng necktie at naghubad ng kanyang pang itaas na damit bago siya maglakad papuntang CR. Noong sandali ding iyon, nakatanggap siya ng isang text mula kay Qiao Anhao, [Salamat sa napakasarap na dinner.]
Biglang bumagal ang paglalakad ni Lu Jinnian at gamit ang isang kamay, nagtype siya ng ilang salita bilang sagot sa text ni Qiao Anhao [You're welcome]
Nang mabasa ang sagot ni Lu Jinnian, masayang ngumiti si Qiao Anhao at muling sumagot, [Maliligo na ako, goodnight.]