Lahat ng mga panghihimok na ginagawa ni Lin Yi ay naging walang epekto sa harapan ni Lu Shilin, pero ano pa ba ang magagawa ni Lu Shilin? Kahit na ano pa ang gawin niya sa entablado ay hindi na rin naman mababago ang resulta ng naganap na labanan.
Sa katunayan lang ay kapag nag-iskandalo sila ay maaring deretsahan pa silang kuyugin ng mga empleado sa istadyum palabas. Kapag nangyari 'yun ay malamang na mas mapapahiya pa sila.
Ramdam ni Lin Yi na hindi na niya magawang kausapin si Lu Shilin. Wala siyang magawa kundi ang bumaba na lamang mula sa entablado kasama ang iba pang mga manlalaro ng Team. Gayunpaman, sa mga panahong nakababa na siya ay nakita niyang galit na galit ang kanilang boss na si Xiao Jie.
"Kayo na ang bahala dito, aalis na ako't huwag niyo akong iistorbohin!" Itinuro ni Xiao Jie ang mga manlalaro niyang papababa pa sa entablado. Sa mga panahong nabitawan niya ang mga salitang ito ay tumalikod siya't umalis nang hindi na lumilingon sa kanila.
