Walang kahit na anong tunog ang maririnig sa loob ng istadyum.
Kung ikukumpara sa mga manlalaro ng Jade Dynasty na nakikipaglaban ngayon sa entablado, hindi natakas mula sa mga mata ng mga manonood ang nangyari sa Cleric ng Jade Dynasty.
Kitang-kita nila ang mga sandali na kung saan nabingwit ng Happy ang Cleric ng Jade Dynasty, at kung saan siya binugbug ng Happy hanggang sa siya'y namatay.
Hindi naman isang pambihirang pangyayari ang gumamit ng Cloud Grasping Fist sa isang Cleric, kahit na sa Arena na nasa loob ng laro. Gustong-gusto ng mga manlalaro na gamitin ang pamamaraang ito para makapagbukas sila ng pintuan na maaring masamantala ng kanilang mga kasamahan sa labanan.
Pero syempre, kailangan muna na isang Qi Master ang isang manlalaro para magamit nila ng maayos ang Cloud Grasping Fist.
