Ang pagsasama ng tatlong pinakamalakas na mga manlalaro sa opensiba sa mundo ng Glory ay hindi nagtagal dahil sa tinahak nila ang iba't-ibang daanan matapos lamang ang ilang mga sandali. Dahil dito ay tiningnan ng pinuno sa seremonyas ang buong mapa mula sa itaas.
Magkaiba ang kulay ng mga manlalarong nasa screen, at mas nagiging malinaw na para sa mata ng mga manlalaro ang kung ano ang daan na kanilang tinatahak.
"Uh, mula sa ating mga nakikita dito sa itaas, makikita natin ang bawat galawan ng mga manlalaro ng dalawang Team. Nagsasama-sama ang mga manlalaro ng Jade Dynasty, at pinapalibutan nila ang kanilang Cleric para bigyan siya ng proteksyon..."
"Habang ang Team Happy naman ay naghiwa-hiwalay. Bukod kina One Inch Ash, at Little Cold Hands na kasalukuyang binabantayan ang isa't-isa ay lumayo sa kanila ang tatlo nilang mga kasamahan. Pero sa direksyon na kanilang pinatutunguhan ay mahirap paniwalaan ang lahat ng ito, pero mukhang..."
