Sa kasagsagan ng katahimikan ay mayroong isa sa mga manonood na hindi napigilang pumalakpak, ito ang naging dahilan kung bakit sunod-sunod na pumalakpak ang lahat hanggang sa binalot ng mga palakpak ang buong istadyum.
Hindi masyadong marami ang mga tagahanga ng Happy. May ilan pa nga sa mga taong nandirito na ayaw sa kanila. Gayunpaman, lahat ng mga taong nasa mundong ito ay napapahanga sa mga pambihirang labanan.
Kitang-kita ng lahat ang pambihirang lakas na ipinakita ni Qiao Yifan sa labanan. Karapat-dapat lang na makatanggap ng ganitong klase ng pagpupuri ang lakas na ipinakita ni Qiao Yifan sa labanan.
Ngayon ay hindi na nila hinahamak pa ang biglaang pag-atake ni Qiao Yifan noong tinambangan niya ang kaniyang kalaban. Hindi nila itinatanggi na ginawa lamang ni Qiao Yifan ang lahat ng iyon para hatakin ang kaniyang kalaban sa inilatag niyang patibong.
