"Ano ba ang problema ng lalakeng 'yun?" Hindi na mapigilan ni Chen Guo ang kaniyang galit sa ipinapakitang pag-uugali ni Xiao Jie.
Wala namang problema kung bigyan mo ng patnubay ang iyong mga manlalaro kapag may nagawa sila na pagkakamali habang sila ay nasa labanan. Pero ang dapat na ginawa sana ni Xiao Jie ay hinimok na niya muna ang damdamin ng natalong manlalaro. Hindi maganda ang deretsahang magalit siya.
At saka, kahit na natalo sa labanan si Lin Yi ay nagawa niyang pababain sa 5% ang Health ng kaniyang kalaban. Iyan ay isang resulta na matatanggap na ng kahit na sinong Team. Pero malamang, ang dahilan kung bakit nagalit si Xiao Jie ay dahil sa nagawang baliktarin ng kalaban ni Lin Yi ang sitwasyon.
Kahit na hindi naman talaga masama ang naging kinahinatnan ng labanang ito. Ang katotohanan na nagawang makabawi ng kaniyang kalaban mula sa kaniyang pagkakalugmok at maipanalo pa ang labanan ang naging dahilan kung bakit naiinis si Xiao Jie.
