Walang kahit na sino man ang makakaalam sa kung ano ang nararamdaman ng mga taong kasalukuyang nanonood sa labanang nagaganap sa kanilang mga bahay. Pero ang mga manonood sa istadyum na ito? Natahimik silang lahat na para bang sila ay nasa isang prosesyon.
Taimtim na pinanood ng karamihan sa mga manonood ang labanang ito. Pero ang tanging nakita lamang nila ay ang pagtatagpo ng landas ng Another Summer of Sleep ni Sun Zheping, at ng karakter ni Fang Daxu bago siya namatay matapos lamang ng ilang mga sandali.
Nakagamit ba ng kahit na anong skill ang karakter ni Fang Daxu?
Parang hindi na maalala ng lahat ang kung ano man ang mga nangyari sa mga sandaling nagsimula na ang labanan. Kahit na may nagamit man na skill ay mukhang wala naman yata itong nagawa laban sa mga atake ni Another Summer of Sleep.
Isang minuto at labinpitong segundo...
