Sa wakas ay natapos na ang ika-apat na yugto ng mga labanan sa Challenger League.
Natalo ng Team Mysterious Fantasy ang Team Trader sa Team Competition, at umalis na sa entablado ang dalawang Tea. Naging maganda ang pakiramdam ng mga manlalaro ng Team Mysterious Fantasy, pero hindi rin naman bumabakas sa mukha ng mga manlalaro ng Team Trader ang lungkot.
Ginawa ng Team Trader ang lahat nilang makakaya, at nakaani sila ng hiyawan at pagpupuri mula sa mga manonood. Matapos matanggap ng Team Trader ang hiyawan ng lahat ay nilisan nila ang istadyum na nakataas ang kanilang mga noo sa tuwa.
Hindi nagtagal, naintindihan na rin ng karamihan sa mga taong nandirito ang kasalukuyang sitwasyon ng Group B. Hindi nila mapigilang matuwa dahil sa delikadong sitwasyon na dumating sa palad ng Happy, syempre. Hinamak na naman nila ang Happy.
