Kadalasang laman ng mga panaginip ng mga tagahanga ng Team Hundred Blossoms na sana ay makita pa nilang muli ang Blossoms and Blood. Pero hindi nila inaakala na sa mga panahong nagkatotoo nga ang kanilang mga pangarap ay nangyari iyon sa ganitong klase ng sandali.
Mas naging pambihira, at maganda pa kaysa sa nakita nilang Blossoms and Blood noon ang nagaganap ngayon sa harapan nila. Ito ay dahil sa loob ng laro, dito sa Heavenly Domain. Masyadong maraming mga manlalaro kang maaring mapatay.
Ang mga dugong dumanak mula sa katawan ng mga manlalaro matapos silang tamaan sa kasagsagan ng mga makukulay na liwanag na ito'y talagang lumikha ng eksenang bumabagay sa pangalang Blossoms and Blood.
Walang humpay, at isa-isang tumumba ang mga manlalaro ng Blossom Valley. Nagulantang silang lahat, nagalit, at hindi nila magawang matanggap ang lahat ng ito. Pero ayaw rin nilang sumuko na lamang.
