Crimson Storm!
Matapos sumugod sa labanan ang Berserker ni Yu Feng ay kaagad siyang gumamit ng isang malakas na skill. Isang madugo't mapulung awra ang lumitaw, rumagasa ito sa mga manlalaro ng Tyrannical Ambition na para bang ito'y isang malakas na ilog.
Tumilapon ang mga manlalarong nakahanda na sanang sumuporta kay Zhang Jiale. Matapos niyan ay hindi na niya pinansin ang mga manlalaro ng Tyrannical Ambition. Itinuon na niya ang kaniyang pansin sa Tiny Herb.
Hindi naging kasing-ganda ang istilo ng paglalaro ni Yu Feng sa istilo ng paglalaro ni Zhang Jiale, pero hindi basta-basta maiintindihan ng mga ordinaryong manlalaro ang lakas ng isang mala-Diyos na manlalaro, hindi nila ito basta-basta na lamang na mapipigilan.
Nagkandaletse-letse ang buong Herb Garden sa ginawang pakikilahok ni Zhang Jiale na labanan, at ngayon ay mayroong isang manlalaro na namang makikilahok sa kaguluhan na ito.
