Sa tagal na ng pagsasaliksik ni Ye Xiu sa Glory ay kahit na wala naman talaga siyang karanasan tungkol sa kung papaano gumagana ang mundo ng Glory sa kailaliman nito'y mayroon pa rin naman siyang nalalaman kung papaano ito tumatakbo.
Sa pagsasaliksik at sa paggawa ng mga Silver na kagamitan ay mayroong dalawang departamento para sa trabahong ito ang bawat malalaking Club.
Isa sa departamentong 'yun ay binubuo ng mga taong kagaya nila Ye Xiu, at Wei Chen na ginagamita ng kanilang karunungan, at karanasan sa Glory habang ang ikalawang departamento naman ay ginagamit ang kanilang karunungan sa matematika para masilip ang kailaliman ng Glory.
Ginagamit nila ang kanilang pagkabihasa sa matematika para malaman ng husto ang mga katangian ng bawat materyales at kung papaano nila magagamit ang mga katangian ng mga materyales na iyon para makagawa ng mas malakas pang mga kagamitan para sa kanilang Team.
