"Kahit na mainam ang mga ideyang mahahanap ko ay nakadepende naman ang lahat ng ito kung magkakaroon ka ng sapat na mga materyales para dito." Sabi ni Ye Xiu.
"Magkakaroon kami ng sapat." Kampante si Lou Guanning tungkol dito. Sa Heavenly Domain, habang tumatagal ay mas nagiging masagana ang kanilang kinikita sa pagpapatay ng mga wild BOSS. Sa mga ordinaryong server naman ay malalim na ang pundasyon ng Heavenly Domain doon.
Idagdag pa na hindi naman nila ginawa itong Guild Heavenly Justice nang walang pagplaplano. Noon pa lamang ay naglilikom na sila ng mga materyales sa mga sandaling itinatatag pa lamang nila ang kanilang pundasyon sa mga ordinaryong server.
Kapag mayroong magandang ideya nga si Ye Qiu ay walang magiging problema sa kanila ang mga materyales. Para makagawa ng mga Silver na kagamitan sa tulong lamang ng mga materyales na hindi naman masyadong mahal para sa kanilang paningin ay parang isang biyaya na rin ng kalangitan.
