Hindi lamang isang empleado ng eSports Home si Chang Xian. Isa rin siyang manlalaro ng Glory, at dahil ang kaniyang trabaho ay nakasentro sa larong ito ay kadalasang iginugugol niya ang kaniyang oras sa paglalaro sa mga sandaling wala siyang trabaho.
Sa Heavenly Domain ay mayroong Striker na karakter si Chang Xian. Siya'y isang ordinaryong manlalaro lamang sa laro, at dahil dito ay palagian siyang nagdurusa sa harap ng mga namumulot ng tira-tira na kagaya ni Deception.
Noong inihahanda pa lamang niya ang kaniyang sarili para sa panayam niya ito ay nakita na niya ang pangalan ni Deception sa listahan ng mga manlalarong kalahok sa Team Happy.
Pero simula noong nagsimula ang mga laban ng Team Happy ay ni isang beses ay hindi lumitaw ang karakter ni Deception. Inakala ni Chang Xian na talagang hindi siya isang miyembro ng Team Happy, pero sinong nag-akala na talagang isang miyembro nga pala ng Team Happy si Deception?
