Kadalasang hindi naiintindihan ng mga manlalaro sa iisang Team ang intensyong ng bawat isa. Dahil diyan ay kinakailangan nilang dumepende sa kanilang karanasan at paghuhukom para malaman kung ano ang mainam na gawin sa isang partikular na sitwasyon.
Ito ang gustong gawin ni Wu Chen. Matapos malaman na nagawang manipulahin ng Team Happy ang sitwasyon para makuha nila ang kalamangan ay kaagad na gustong maibalik ni Wu Chen ang kanilang Cleric, at hindi na sila magiging pabaya pa.
Ito ang pinakamalaking problema ng Team Everlasting sa mga sandaling ito, dahil wala silang Cleric na maaring tumulong sa kanila'y mahihirapan silang tumagal sa labanang ito. Naiintindihan nila ang katotohanang 'yan at syempre, naiintindihan rin iyon ng Team Happy.
Kaya matapos masabihan na dapat ay magtungo sa Support Zone si He An ay kaagad na nagtungo ang Dawn Gunner ni Wu Chen sa kinaroroonan ng Go Forth ni He An.
