Nasa loob ng Electric Wave Formation si Lord Grim. Dahil sa ginagawang pagpapabagal ng tubig sa kaniya ay sa mga mata ng lahat. Hindi na maaring mailagan ni Lord Grim ang atakeng ito.
Pero hindi inaakala ng lahat na sa mga sandaling 'yun ay iaangat ni Lord Grim ang kaniyang Myriad Manifestations Umbrella sa itaas ng kaniyang ulo. Ka, ka, ka. Tatlong sunod-sunod na malulutong na tunog ang umalingawngaw at biglang nagpalit ng anyo ang payong ni Lord Grim.
Matapos nito'y bumukas ang payong, at ang mga galamay ng payong ay umikot ng mabilisan sa ilalim ng tubig.
Mechanic Skill: Rotor Wings. Sa lupa ay hinahayaan nitong lumipad na para bang isang ibon ang manlalaro. Sa tubig naman ay naging parang isa itong elise ng barko. Sa bilis ng pag-ikot nito'y napaatras si Lord Grim kasabay ang mga along naghatid rin sa kaniya papalayo.
Naging mabilis ang ginawa niyang pagtakas sa Electric Wave Formation. Sa isang iglap lamang ay nasa harapan na siya ngayon ni Go Forth.
