Electric Wave Formation!
Tahimik na inilabas ni He An ang skill na ito, at sa mga sandaling namalayan na ni Tang Rou ang mga nangyayari ay masyadong huli na ang lahat. Binalot ng Electrice Wave Formation ang mga 15 na hakbang na lugar sa paligid nito.
Sa mga sandaling umepekto na ang skill na ito ay nakuryente si Soft Mist ng isang beses. Hindi naman kasi ito maaring mailagan, kaya kaagad na pinalabas sa lugar na nasasakupan ng Electric Wave Formation ang kaniyang Soft Mist.
Dahil mga kalahati ng isang-kapat na lamang ang natitira sa kaniyang Health ay hindi na pinatagal ni Tang Rou ang pag-ilag. Sinubukang makatakas ni Soft Mist gamit ang pinakamaikling ruta para makatakas sa loob ng Electrice Wave Formation.
Sa kasamaang-palad ay iyon pala ang gusto ng kaniyang kalaban na mangyari. Mula sa lugar na kung saan nakatayo si Go Forth ay nakikita niya ang kalahati ng katawan ni Soft Mist lamang. Pero sapat na ito para maipadala niya ang susunod niyang atake.
