Hindi na masama!
Naging maganda ng pakiramdam ni Chen Guo, pero matapos makita ang kalmadong hitsura ng mga kasamahan niya ay namalayan niya na wala naman pala talagang kwenta itong panalong nakamit nila sa araw na ito.
Sa katunayan, kung ikukumpara sa Team Happy ay mas naging mabilis pa ang pagkamit ng Team Excellent Era sa una nilang tagumpay sa Challenger League.
Sa mga sandaling magsisimula na ang labanan ay naging mabilis ang pagdating ng mga manlalarong kalaban ng Team Excellent Era. Wala rin silang naging plano na umatras. Gayunpaman, sa mga sandaling nagsimula na ang labanan ay naging parang mga manika sila na hindi na gumalaw pa.
Talagang naparito lang sila para makita ang mga karakter ng kanilang iniidolo ng harap-harapan. Sa mga sandaling nakaharap na nila ang mga dakilang karakter na sina One Autumn Leaf, Life Extinguisher, at Dancing Rain ay kaagad na naging kakaiba ang sitwasyon.
