"Anong tinitingnan mo diyan?" Nilapitan ni Wei Chen si Ye Xiu. Sa katunayan ay nagdadalawang-isip na siya kung talaga bang pinapanood ni Ye Xiu ang labanan. Kung hindi ay bakit naman siya matutulala ng ganiyan?
Tama lang naman na matulala ang isang ordinaryong manlalaro sa lakas na ipinapakita ng dalawa sa pakikipaglaban. Pero para sa kanilang mga matatanda na't beterano sa larong ito ay hindi na dapat sila magulat sa labanang ito!
Pero sa mga sandaling nalapitan na ni Wei Chen si Ye Xiu ay nakita niya na talagang pinapanood nga ni Ye Xiu ang labanan.
Maaring natutulala lang siya ngayon dahil hindi maganda ang kasalukuyang sitwasyon ni Tang Rou?
Namalayan rin ni Wei Chen ang katotohanang ito. Hindi ba't iyan ang dahilan kung bakit niya nilapitan si Ye Xiu? Sa tatlong kalabang nakalaban ni Soft Mist ay nagawang makita nilang dalawa na ang kalabang ito ngayon ni Soft Mist ay kakaiba't bukod tangi sa mga nakalaban niya noong una.
