Natalo na naman si Li Rui!
Natahimik ang buong istudyo. Kahit na parang tinititigan ng lahat ang kani-kanilang screen ay hindi nila mapigilang mapasulyap kay Li Rui.
Naging mas masama ang pakiramdam ni Li Rui sa mga sandaling ito kaysa sa nauna niyang pagkatalo, dahil punong-puno ng poot at inis ang kaniyang puso. Pero hindi rin naman niya maitatanggi na talagang malakas nga ang kaniyang kalaban.
Kahit na sino naman sigurong tao na may karanasan sa paglalaro ay makikita ang katotohanang 'yun, at ang iyong walang karanasan naman ay nakikita ang kaibahan sa lakas nilang dalawa dahil sa laki ng agwat sa pagitan ng Health Bar nilang dalawa.
Sa mga sandaling tumumba ang Silent Night ni Li Rui ay naging mapula na ang Health Bar ni Soft Mist, humigit-kumulang sampung porsyento na lamang siguro ang natitira niyang Health sa kaniyang Health Bar.
