Sumapit na ang gabi.
Dahil sa pangalang Team Happy ay naging pinakasikat na Room sa Arena ang Room 28529 nitong mga nakaraang araw.
O maari mo ring sabihin na simula noong inilabas ang larong Glory ay wala pang kahit na anong Room sa Arena ang nagawang ipairal ang kanilang kasikatan sa loob ng ganito kahabang panahon.
Wala ring pinagkaiba ang gabing ito sa mga nagdaang gabi. Simula alas sais ng gabi'y dinumog ng mga manlalaro ang Room na ito. Pero walang kahit na sino sa kanila ang umupo sa upuan na para sa mga nanghahamon ng laban. Lahat sila'y nakaupo sa upuan na para sa mga manonood.
May manghahamon kaya sa Team Happy sa gabing ito?
Sabay-sabay na napaisip ang mga manonood. Simula noong naging sikat ang Team Happy ay naging marami rin ang mga Team na humamon sa kanila. Sa kasagsagan ng mga panahong 'yun ay maraming mga labanang nagaganap kaya marami rin ang mga labanang napapanood ng mga manonood.
