Hindi maganda ang kasalukuyang sitwasyon ni Qiu Fei sa Team. Syempre, isa na rin si Li Rui sa mga taong naging masaya ang pakiramdam dahil sa sitwasyong kinakaharap ni Qiu Fei. Ni kahit isang beses ay hindi niya binigyang pansin ang atensyong binibigay ni Qiu Fei sa kaniya.
Sa katunayan ay nagrereklamo pa nga siya dahil sa ginagawang pagsisikap ni Qiu Fei, kahit alam naman mismo ni Qiu Fei na masyadong mababa ang pag-asa niyang maging isang opisyal na manlalaro.
Pero kahit na alam na ni Qiu Fei ang katotohanan ay nagpupurisigi pa rin siya. Para kay Li Rui, ang gawaing iyon ay isang malaking katangahan lamang.
Kung gusto niyang magpasikat ay maari naman niyang magawa iyon sa ibang Team. Wala naman siyang magagawang pagpapasikat dito sa Excellent Era.
