Naging tahimik naman ang paglipas ng ika-apat na linggo ng buwang ito. Kahit na naging marami ang mga haka-haka sa kung sino ang hahalili kay Deng Fusheng. Walang ginawang kahit na anong kakaibang galawan ang Team Tiny Herb.
Pero syempre, hindi mo masasabi na wala talaga silang ginagawang kakaiba kasi hindi mo naman makikita ang kung ano ang mga nangyayari sa loob ng Team Tiny Herb.
Sa mga panahong ito, dahil natuto na rin ang lahat na maghanap na dapat ay sila mismo ang maghanap ng impormasyon para hindi sila magulat sa mga biglaang galawan ng mga malalaking Team. Halos kahit na siguro ang utot ng isang manlalaro ay iniuulat ng midya para sa lahat.
Dahil dito ay walang nagawa ang mga manlalarong naging paksa ng usapan ng lahat kundi ang sabihin sa lahat na talagang wala silang kinalaman sa mga haka-hakang kinakalat ng ibang mga taong gusto lamang makapaglibang sa kaguluhang nagaganap sa harapan nila.
