Papaanong mayroong gana pa ang mga sugatang manlalarong ito na makipaglaban? Karamihan sa kanilang lahat ay masyadong nainis sa ginawa nilang aksyon kanina, dahil sa totoo lang ay hindi naman talaga nila sineseryoso itong labanang nagaganap sa pagitan nilang lahat.
Ginagawa lang naman nila ang lahat ng ito para makakuha ng kadakilaan, at tagumpay para sa kanilang mga guild. Tanging kapag nagawa lamang nila iyon ay matatawag nila na naging makabuluhan ang ginawa nilang digmaan sa isa't-isa.
Walang kwenta ang digmaang ito dahil kahit na halos hubo't-hubad na sila sa mga sandaling tinatakasan nila ang kanilang mga kalaban ay wala namang magagawang galos ang mga pangyayaring 'yun sa guild na kung saan sila nabibilang.
Lalong-lalo na ang mga malalaking guild na nadawit sa digmaang naganap sa pagitan ng ibang mga guild. Kahit na mangyari man ang mga iyan sa kanilang mga manlalaro ay hindi sapat iyon para bigyan sila ng sakit sa ulo.
