Naging pabaya si Deception. Kaharap ang dalawang manlalarong ito na mayroong mga basurang kagamitan ay hindi siya naging maingat. Kung nag-ingat lang sana siya ay hindi sana magiging ganito ang kinahinatnan niya dahil malakas naman siya't malalakas rin ang kaniyang mga kagamitan.
Dahil mas mataas ang prayoridad ng Circle Swing kaysa sa Quick Recover ay hindi mo magagawang gumamit ng Quick Recover para maiwasan ang epekto ng Circle Swing. Pero naging mabilis ang pagpapasiya ni Deception.
Sa mga sandaling humampas siya sa lupa dahil sa kagagawan ng Circle Swing ay kaagad siyang gumulong sa isang tabi, at tumayo na para bang gumamit siya ng isang Quick Recover kahit na hindi naman talaga siya gumamit nito.
Ngayon ay hindi na minaliit pa ni Deception ang kaniyang mga kalaban. Nainis siya sa kaniyang sarili dahil sa hindi naging magandang paggamit niya sa kaniyang mga kagamitan.
