Sa mga panahong namalayan na ni Steamed Bun ang kung ano nga ba ang mga nangyayari ay narating na ng Soft Mist ni Tang Rou ang lagusan ng Darkness Palace. Naunahan pa niya si Steamed Bun, at ang Lord Grim ni Ye Xiu na kaagad namang sumunod kay Tang Rou para malaman ang sitwasyon.
Binuhay muli si Loulan Slash sa tulong ng isang Cleric kaya nandito rin siya sa mga sandaling narating na nila Ye Xiu ang lagusan ng Darkness Palace. Kasalukuyang inuutusan niya ang mga kasamahan niya na hanapin ang manlalarong pumatay sa kaniya.
"Masyadong malakas ang taong 'yun kaya mas mabuting hindi niyo siya harapin ng mag-isa, dapat ay magsama-sama kayong lahat sa paghahanap."
Matapos marinig ni Ye Xiu ang utos na binigay ni Deception sa kaniyang mga kasamahan ay kaagad siyang lumapit para mapigilan si Loulan Slash.
"Huwag, kumalat kayo, kumalat kayo't hanapin niyo siya!"
"Pero sobrang lakas ng taong 'yun!" Sinalungat ni Loulan Slash ang utos ni Ye Xiu.
