Habang halos isampak na ng mga malalaking guild ang kanilang ulo sa pader sa pag-iisip sa kung papaano nila mapapatay ang dalawang malalakas na kalabang ito, napatay na ang Level 55 wild BOSS na Sewer King Lookashoo.
Natapos ang labanan na walang kakaibang nangyari. Sa huli ay nanakaw ng Heavenly Justice ang wild BOSS. Sa totoo lang ay wala naman talagang masyadong pakialam ang mga malalaking guild tungkol sa isang Level 55 na BOSS, ang naging dahilan kung bakit inis na inis sila ay dahil lamang sa alam nila na ito na ang simula ng mga malalagim na panahon sa kanilang kinabukasan.
Sa mga panahong sumugod sina Ye Xiu para lumahok sa labanan ay idinagdag silang lahat ni Loulan Slash sa kaniyang guild. Sa Group Channel ay kitang-kita ng lahat ang kung ano ang mga nakuhang kagamitan ni Loulan Slash.
"Kuya, anong mga kagamitan ang gusto mong makuha? Ikaw na muna ang pumili!" Nagpadala si Loulan Slash ng isang pribadong mensahe kay Ye Xiu.
