"Talaga?" Narinig ni Wei Chen ang mga katagang binitawan ni Ye Xiu kaya hindi niya mapigilang mapatanong.
Sa simula pa lamang ng Professional Scene ay isang propesyonal na manlalaro na si Han Wenqing, kaya malinaw na nakikilala ni Wei Chen kung sino siya. Mga ilang beses na ring nakaharap nila ang isa't-isa noon.
Pero dahil sa tagal na ng mga pangyayaring 'yun ay halos hindi na maalala ni Wei Chen kung gaano naging kahigpit ang labanang naganap sa pagitan nilang dalawa o kung naging malakas nga ba talaga si Han Wenqing noon.
Pero syempre, ang karanasan niya sa pakikipaglaban kay Han Wenqing ay hindi nakakakumpara sa matagal nang hidwaan sa pagitan nina Ye Xiu at Han Wenqing. Isang malaking proweba dito ang katotohanan na may namalayang mali si Ye Xiu sa paglalaro ni Han Wenqing habang siya ay wala.
"Uh, hindi ko naman masasabi na hindi maganda ang ipinapakita niya sa ngayon, pero sigurado akong may kakaiba sa kaniya!" Dagdag na sabi ni Ye Xiu.
