"Sa pagpapalakas ng aking karakter, ang ibig mo bang sabihin ay sa tulong ng mga skill books?" Gaya ng kanilang inaasahan ay hindi nga parehas kay Steamed Bun si Little Cold Hands.
Pero hindi naman mahirap na malaman ng kahit na sinong tao na mayroong max-leveled na karakter ang ilang mga paraang natitira para mapalakas nila ang kanilang mga account.
Kung gusto ng kahit na sino na palakasin ang kanilang karakter habang ito ay max-leveled na, ang tanging magagawa na lamang nila ay palakasin ang kanilang mga kagamitan o dagdagan ang kanilang mga skill points.
At saka, kakatanong pa lamang ni Ye Xiu sa kaniya kanina tungkol sa mga skill points kasunod ang mga quest kaya hindi rin naman mahirap na malamang konektado ang dalawang paksang ito sa isa't-isa.
"Tama. Pero bago ako magpaliwanag sa iyo ay sabihin mo muna sa akin kung natapos mo na ba ang mga quest na 'yan." Hindi na tinago pa ni Ye Xiu ang kung ano ang dahilan sa pagtawag niya kay Little Cold Hands.
