[TLNote: 1 RMB = 7.615 PHP]
15 Million!
Halos atakihin sa puso si Ye Xiu sa mga panahong narinig niya ang halagang ito, pero syempre hindi niya ito pinakita sa kaharap niya na Manager ng Samsara.
Bilang isang manlalaro na masyadong pamilyar sa kung papaano gumagana ang Professional Alliance, alam niya kung ano ang ibig sabihin ng halagang ito sa mundo ng Glory.
Sa katunayan ay naging marami na rin ang palitan ng mga manlalarong naganap sa pagitan ng dalawang Team kahit na hindi pa naman tumatagal ang Glory Professional Alliance. At syempre, kapag mayroong palitang nangyayari ay pera ang kadalasang ginagamit ng mga Club.
Pero hindi lang naman pera ang maaring ipamalit sa katumbas na halagang inaalok ng kabilang kampo.
Maaring ipalit mo ang isang propesyonal na manlalaro kapalit ang isang propesyonal na manlalaro.
Isang karakter, kapalit ang isang karakter.
O isang propesyonal na manlalaro, kapalit ang isang karakter.
