Hinanda ng mga malalaking guild ang kanilang sarili para sa pagdating ni Lord Grim sa ika-sampung server. Ito'y dahil sa wala naman kasing nakakaalam sa kanila kung ano na naman ng balak ng satanas na ito sa kaniyang pagbalik.
Lahat ng mga guild sa balat ng ika-sampung server, maliit man sila o malaki ay nagtalaga ng mga tao para bantayan ng magdamagan ang bawat galaw ni Lord Grim.
Sinumpa nila sa kanilang mga sarili na hindi sila titigil sa kanilang pagmamanman hanggang sa malaman nila ang dahilan kung bakit naparito si Lord Grim.
Pero masyadong malayo ang katotohanan sa kanilang inaasahan. Naparito lang naman kasi si Ye Xiu para gumawa ng ilang mga quest para sa kaniyang sarili. Ni isang segundo ay hindi lumitaw sa kaniyang isipan ang ideya na pakialaman ang mga malalaking guild.
Pero syempre, sa mga panahong nakabalik na siya sa ika-sampung server ay binati pa rin naman niya ang lahat ng mga manlalarong nasa kaniyang guild.
