Mga kalabang kailangang durugin.
Sa mga sandaling binitawan ni Ye Xiu ang mga katagang ito ay hindi niya tiningnan ng may galit ang nagliliwanag na pangalan ng Excellent Era sa kabilang kanto. Naging kalmado lamang siya na para bang walang nangyayaring kakaiba.
"Tama! Talagang kailangan silang talunin." Sumagot si Wei Chen, pero hindi siya naging kalmado kagaya ni Ye Xiu. Naging mabangis ang tono ng kaniyang pananalita't dinurog niya ang kaniyang sigarilyo sa mga panahong binitawan niya ang mga salitang ito.
"Hindi na importante pa kung ano ang gagawin ng Excellent Era para makalamang satin. Basta't kailangan natin silang talunin!" Kahit na ang sarili lamang ni Wei Chen ang kaniyang kinakausap ay hinimok niya ang kaniyang sarili para hindi na siya matakot pa kaharap ang Excellent Era.
Sa mga sandaling ito ay biglang bumukas ang pintuan ng Practice Room. Lumabas si Chen Guo mula sa silid at nasasabik na nagsisisigaw: "Nahulog, nahulog!"
